Алматы қаласы бойынша «Қазақстанның үздік тауары» өңірлік көрме-байқауы 29 шілдеде өтеді. Байқауға 80-ге жуық алматылық компания өтінім берді.
Дәстүр бойынша мынадай үш номинация бойынша үздік тауар өндірушілер таңдалады:
- «Өндірістік мақсаттағы үздік тауарлар»,
- «Халыққа арналған үздік тауарлар тауарлар»,
- «Үздік азық-түлік тауарлары».
Әр номинация бойынша 3 жеңімпаз анықталады.
Өңірлік іріктеудің жеңімпаздары жылдың соңында ҚР Президентінің қатысуымен өтетін республикалық байқауға қатысады.
Көрме-байқау қонақтарына концерттік бағдарлама және бағалы сыйлықтар ұтысы ұйымдастырылады.
Сондай-ақ, байқауда алғаш рет «Қазақстанның үздік тауары» көрме-байқауы аясында жергілікті шикізаттан өндірілген «Бір ауыл – бір өнім» жобасына қатысушылардың өнімдері ұсынылатын болады. Алматының үздік қолөнершілері этно стиліндегі топтамалар, қыш, металл, киіз және жібектен жасалған бұйымдар, зергерлік бұйымдар мен кәдесыйларды көпшілік назарына ұсынады.
«Бір ауыл – бір өнім» жобасы кәсіпкерлікті дамыту жөніндегі 2021-2025 жылдарға арналған ұлттық жоба шеңберінде құрылған «Мен кәсіпкер» бағдарламасының құрауышы.
