2026 жылғы 16–17 мамыр күндері Астана қаласындағы Spaces алаңында (Самал-11 шағын ауданы) «Жастар Құрылтайы: түп-тамырға үңілу арқылы болашақты құру. Диалог пен қозғалыстағы 30 жыл» атты халықаралық жастар форумы өтеді. Іс-шара посткеңестік кеңістіктегі этникалық немістердің алғашқы жастар ұйымы — Қазақстан неміс жастары одағының 30 жылдығына арналады.
Форум тәжірибе алмасуға, жаңа бастамаларды қалыптастыруға және халықаралық ынтымақтастықты дамытуға бағытталған маңызды алаң болмақ. Оған Қазақстан, Германия, Ресей, Қырғызстан, Өзбекстан және Грузиядан шамамен 90 қатысушы келеді. Олардың қатарында жас көшбасшылар, сарапшылар, халықаралық серіктестер және қозғалыстың alumni-қатысушылары бар.
Форумның басты тақырыптары — ұлттық бірегейлікті сақтау, ана тілі мен мәдени мұраны дамыту, мәдениетаралық диалогты нығайту және қазіргі қоғамдағы жастардың рөлін арттыру.
Бағдарлама аясында:
- халықаралық спикерлердің қатысуымен панельдік пікірталастар;
- әртүрлі елдерден келген үздік жастар жобаларының таныстырылымдары;
- World Café және co-creation форматындағы интерактивті сессиялар;
- шығармашылық өнер көрсетілімдері мен тілдік белсенділіктер;
- ұйымның 30 жылдығына арналған деректі фильмнің тұсаукесері өтеді.
Форумның негізгі басымдығы — неміс тілі мен мәдени мұрасын сақтау, сондай-ақ әлеуметтік маңызы бар жобаларды жүзеге асыра алатын жаңа буын көшбасшыларын қолдау.
Бұл форум халықаралық байланыстарды нығайтып, жастар арасындағы ынтымақтастықты кеңейтуге және жаңа бірлескен жобаларды іске қосуға мүмкіндік береді.
Ұйымдастырушылар:
«Қазақстан немістері „Возрождение“ қоғамдық қоры» және Қазақстан неміс жастары одағы, Германия Федералдық ішкі істер министрлігінің (BMI) қолдауымен.
Өтетін күні: 2026 жылғы 16–17 мамыр
Өтетін орны: Астана қаласы, Spaces алаңы, Самал-11 шағын ауданы
