Алматыда 20 қазанда Халықаралық аспаздар күніне орай Baursak Fest фестивалі өтті. Іс-шараға 200-ге жуық адам қатысты. Қатысушылар 50 келіден астам бауырсақ пісіріп, дәстүрлі қазақ тағамының түрлі нұсқаларын ұсынды.
Фестиваль ұлттық аспаздық дәстүрлерді сақтауға, кәсіби дағдыларды дамытуға және қоғамдық тамақтану саласы өкілдері арасында тәжірибе алмасуға бағытталған.
Іс-шара Алматы технологиялық колледжінде өтті. Фестиваль 2019 жылдан бері ұйымдастырылып келеді, ал 2026 жылы сегізінші рет өткізілді.
Baursak Fest болашақ аспаздарды, оқытушыларды және өндірістік оқыту шеберлерін біріктіреді. Бұған дейінгі фестивальдерде қатысушылар бауырсақтың классикалық және авторлық түрлерін ұсынып, ұлттық нан өнімдерінің әртүрлі нұсқаларын дайындау бойынша сайысқа түскен.
Бауырсақ қазақ асханасында ерекше орын алады және дәстүрлі түрде қонақжайлық пен отбасылық мерекелердің символы саналады. Мұндай іс-шаралар аспаздық дәстүрлерді жас ұрпаққа жеткізуге мүмкіндік беріп қана қоймай, қатысушылардың ұлттық тағамдарға шығармашылық тұрғыдан қарауына жол ашады.
Автор: Назира Бурханова
