Freedom Holding Corp. холдингтің бас атқарушы директоры Тимур Турловтан «Freedom Finance Insurance» сақтандыру компаниясы» АҚ және «Freedom Finance Life» өмірді сақтандыру компаниясы» АҚ сатып алу бойынша алдын ала келісім жасады. Мәмілелердің жоспарланған сомасы тиісінше 6 млрд теңгені және 5,4 млрд теңгені құрайды, компаниялар қолма-қол есеп айырысу арқылы сатып алынатын болады. Бұл активтер олардың капиталының құны шеңберінде сатып алынады. Мәміле мемлекеттік реттеуші орган тарапынан қажетті мақұлдауды алғаннан кейін аяқталатын болады.
Сатып алу рәсімі аяқталғаннан кейін компания басшылары болып келесі басқарма төрағалары қалады: «Freedom Finance Insurance» сақтандыру компаниясы» АҚ – Даулет Акижанов, «Freedom Finance Life» өмірді сақтандыру компаниясы» АҚ – Азамат Ердесов, ал компаниялардың өздері штаттық режимде жұмыс істеуді жалғастыра береді.
Бұдан басқа, Холдинг табиғи монополияларды реттеу комитетінің мақұлдауын және Тикетон билеттерін онлайн-сатып алу сервисін алғаннан кейін PayBox.money онлайн-төлемдердің әмбебап агрегаторын сатып алуды жүзеге асыруды жоспарлап отыр (барлық рұқсаттар алынды). Бұл компаниялар үшінші тұлғалардан сатып алынады, мәмілелердің құрылымы мен сомасы тараптар арасында келісу процесінде болады.
Тимур Турлов, СЕО, Freedom Holding Corp.
Freedom Holding Corp холдингі орналасқан әрбір елде халыққа қаржылық қызметтердің кең спектрін көрсету үшін қажетті қаржы институттарының болуы бойынша өз стратегиясын іске асыруға сеніммен қадам басуда. Жақын арада оның құрылымы 2018 жылдың соңынан бастап Freedom Finance брендімен жұмыс істейтін және осы уақыт ішінде үлкен жетістіктерге қол жеткізген екі сақтандыру компаниясымен толықтырылады. Freedom Finance Insurance-тың нарық үлесі 50%, өз өнімімен индустриялық стандарт құрған онлайн-сақтандырудың көшбасшысы. Freedom Finance Life активтер көлемі бойынша ТОП-3 құрамына кіреді және коронавирустан сақтандыру полисін бірінші болып әзірледі. Онлайн-төлемдер көшбасшысын сатып алу біздің клиенттерімізге түрлі қызметтерді, соның ішінде брокерлік шоттан төлеу мүмкіндіктерін кеңейтуге мүмкіндік береді. Бұдан басқа, біз lifestyle-сервистермен интеграцияны дамытуды және ұлғайтуды жоспарлап отырмыз, сондықтан біздің таңдауымыз мәдени-ойын-сауық іс-шараларына билет сату бойынша көшбасшыға түсті.
Анықтама:
Freedom Holding Corp. – бұл Freedom Finance еншілес компаниялары арқылы қаржы қызметті, бөлшек брокерлік операцияларды, инвестициялар мәселелері бойынша кеңес беруді, бағалы қағаздар сауда-саттығын, инвестициялық-банктік және андеррайтинг қызметтерді жүзеге асыратын холдинг. Компания Қазақстан қор биржасының (KASE), Astana International Exchange (AIX), Мәскеу биржасының (MOEX), Санкт-Петербург биржасының (SPB), «Тошкент» республикалық қор биржасының (UZSE) және Украина биржасының кәсіби қатысушысы болып табылады. Компанияның бас кеңсесі Қазақстанның Алматы қаласында, ал оның әкімшілік кеңселері Ресей мен АҚШ-та орналасқан. Компанияның Қазақстан, Ресей, Қырғызстан, Өзбекстан, Әзірбайжан, Германия, Кипр, Ұлыбритания, Украина және АҚШ-та филиалдары бар. Бүгінгі таңда Холдингтің жай акциялары Nasdaq Capital Market, Қазақстан қор биржасында, Санкт-Петербург биржасында және Украина биржасында саудаланады.
Freedom Finance Insurance – Қазақстандағы онлайн-сақтандырудың көшбасшысы. Компания өз клиенттеріне сайтта электрондық полистердің қарапайым ресімделуін, Қазақстанда алғашқы сақтандыру терминалдарын, ЖКО болған жерде бағалау мен төлемдерді ұсынады. «B» деңгейінде S&P Global Ratings рейтингі және «kzBB+» ұлттық шкаласы бойынша рейтингі бар, болжамы – «Тұрақты».
Freedom Finance Life – бұл қазақстандықтарды жазатайым оқиғалардан әуе және теміржол жолаушыларын сақтандыру, шетелде туристерді медициналық сақтандыру, коронавирустан сақтандыру және қарыз алушыларды сақтандыру сияқты онлайн іске асырылатын сақтандыру өнімдерімен қамтамасыз ететін өмірді сақтандыру компаниясы. Қазіргі уақытта компанияның Қазақстанның 19 қаласында 350 мыңнан астам клиенттері бар. Компанияның S&P Global Ratings ұсынған «B» деңгейіндегі рейтингі және «kzBBB–» ұлттық шкаласы бойынша ұзақ мерзімді кредиттік рейтингі бар, болжамы – «Оң».
PayBox.money компаниялар тобы онлайн-төлемдердің әмбебап агрегаторымен ұсынылған, ол бизнеске сайтта және нарықтағы барлық талап етілетін әдістермен сату нүктелерінде онлайн - төлемді қабылдауға, сондай-ақ клиенттерге төлемдерді жүзеге асыруға мүмкіндік береді.
Ticketon.kz – бұл киноға билеттерді онлайн-сатудың қазақстандық жүйесі және түрлі мәдени-ойын-сауық іс-шаралары. Компания 2011 жылы құрылған, Қазақстанның 21 қаласында ұсынылған және қазіргі уақытта 150 қосылған объектілері бар.
Болжамды сипаттағы өтініштерге қатысты ескерту
Бұл пресс-релизде «болжамды мәлімдемелер» бар. Барлық болжамды мәлімдемелер белгісіз және жағдайларға байланысты өзгерістерге ұшырайды. Болжамды мәлімдемелер болашақ нәтижелердің немесе көрсеткіштердің кепілі болып табылмайды және болжамды мәлімдемелерде сипатталған немесе күтілетін оқиғалардан немесе нәтижелерден айтарлықтай ерекшеленуі мүмкін нақты оқиғалар немесе нәтижелер нәтижесінде туындауы мүмкін тәуекелдермен және белгісіздіктермен ұштасады. Осындай болжамды мәлімдемелерге елеулі әсер етуі мүмкін факторларға Бағалы қағаздар және қор нарығы жөніндегі мемлекеттік комиссияда сақталатын Холдингтің мерзімді есептерінде анықталған белгілі бір экономикалық, коммерциялық және нормативтік тәуекелдер мен факторлар жатады. Барлық болжамды мәлімдемелер осы баспасөз релизі шығарылған күні ғана жасалды және Холдинг келесі оқиғалар мен жағдайларды көрсету үшін болжамды мәлімдемелерді жаңарту бойынша міндеттемелерді өзіне алмайды. Оқырмандар бұл болжамды мәлімдемелерге тым көп сенбеуі керек.
Nasdaq Capital Market нақты пресс-релиздің мазмұнын мақұлдамады немесе қабылдамады.
ДЕРЕККӨЗ: Freedom Holding Corp.
