Бұл туралы Өңірлік коммуникациялар қызметінің брифингінде ҚР Президенті жанындағы Мемлекеттік басқару академиясының Алматы қаласы бойынша филиалының директоры Айгерім Абилова мәлімдеді. Айта кетсек, наурыз айынан бастап мемлекеттік қызметкерлер үшін магистратура мен докторантураға құжаттар қабылдау басталды.
Мемлекеттік басқару академиясы - жұмыс істеп тұрған мемлекеттік қызметшілердің кәсіби дамуы мен білім алуына жауап беретін елдегі жалғыз жоғары оқу орны. Биыл қабылдау науқаны 1 наурыздан басталды, ал конкурстық іріктеу онлайн форматта өтеді.
«2022 жылға Академия 10 магистрлік және үш докторлық бағдарлама әзірледі. Алты магистрлік бағдарлама мемлекеттік тапсырыс шеңберінде, төртеуі өз қаражаты есебінен негізгі кәсіби қызметті қоса атқаратын модульдік бағдарламалар шеңберінде жүзеге асырылады. Мемлекеттік қызметшілерді даярлауға барлығы магистратураға 120 грант және докторантураға 12 грант бөлінді», - деді А. Абилова.
Оқуға түсу туралы айта келе, академияның Алматы филиалының басшысы биылғы жылы оқуға қабылдау ережелерінің жаңарғанын айтты, оларға енгізілген өзгерістер:
- құжаттарды қабылдау мерзімі-ағымдағы жылдың 23 шілдесіне дейін ұзартылды (бұрын-1 наурыздан 5 маусымға дейін);
- үміткерлер конкурстық іріктеу қорытындысы бойынша мемлекеттік органның жолдамасын ұсына алады;
- магистратура бойынша білім беру бағдарламаларының саны жетіден 10-ға дейін және докторантура бойынша екіден үшке дейін ұлғайды, сондай-ақ Master of Public Administration бағдарламасына түсушілер үшін мемлекеттік қызметшілер санаттарының тізбесі кеңейтілді (А-3, В-3, С-3, С-О-3, D-3 енгізілді);
- ағылшын тілін меңгеру деңгейін растайтын халықаралық сертификаттар тізімі ұлғайтылды;
- конкурстық іріктеу кезеңдері қайта қаралды. Магистратура бағдарламаларына түсушілер үшін екі кезең: кейс-шешім, сұхбат, ал модульдік бағдарламаларға түсушілер үшін сұхбат;
- конкурс қорытындылары бойынша магистратура мен докторантураның білім беру бағдарламалары бөлінісінде жиналған баллдар бойынша үміткерлердің сараланған тізімі жасалады;
- мемлекеттік органның келісімі бойынша жұмыс орнын сақтай отырып, мемлекеттік қызметкерге академияда ақылы негізде оқуға мүмкіндік беретін шарт түрі енгізілді.
Айгерім Абилова мемлекеттік қызметшілер үшін магистратураға түсу кезінде кемінде екі жыл, докторантураға кемінде үш жыл еңбек өтілінің болуы негізгі талап екенін атап өтті. Магистратураның жеке бағдарламаларына санаты және басшылық жұмыс өтілі бойынша талаптар қойылады.
Академияға үміткерлерді жалпы іріктеу 27 шілде мен 10 тамыз аралығында өтеді. 12 тамызға дейін қабылдау комиссиясының отырысы өткізіледі, оқуға алдын ала қабылдау жүргізіледі. 26 тамызда ресми бұйрық бойынша қабылдау жүргізіледі.
Спикер сондай-ақ Академияға түсу үшін қажетті құжаттарды тізімдеді. Бұл мемлекеттік органның жолдамасы, фотосурет, куәліктің электрондық көшірмелері, жоғары білім туралы диплом, жоғары оқу орнынан кейінгі білім туралы диплом, IELTS немесе TOEFL сертификаттары, IELTS INDISATOR, APTIS**, TOEIC, PIPPLET сертификаттары, QazResmiTest немесе Қазтест мемлекеттік тілді меңгеру деңгейін растайтын В1 деңгейінен төмен емес Сертификат, қызметтік тізім/жеке парақ, зерттеу жоспарының жобасы. (докторантура үшін), өтініш (ЭЦҚ-мен қол қойылған).
А. Абилова Академияға түсу үшін сәуір айының басынан маусым айының соңына дейін дайындық курстары қарастырылғанын еске салды.
