Алматы әкімінің орынбасары Мұхит Әзірбаев Өңірлік коммуникациялар қызметінде өткен брифингте мегаполисті абаттандыру және онда қоғамдық кеңістіктер құру жоспарлары туралы айтып берді.
«Біз қалада ауқымды абаттандыруды жалғастырамыз. 2025 жылға дейін қоғамдық кеңістікті дамыту, оның ішіне Жаңа Алматы аумағының бағдарламасы да енеді», - деп хабарлады спикер.
Оның айтуынша, биыл Әуежайдан Тұңғыш Президент саябағына дейін қолданыстағы көшелерде (барлығы 25 км) жаяу жүргіншілер кеңістігін қайта құру жүзеге асырылады.
Ал көктемде жалпы ұзындығы 17 км болатын тоғыз көшені қайта құру басталады:
- Сәтбаев-Луганскийден Байзақовқа дейін;
- Достық-Абайдан Әл-Фарабиге дейін, одан әрі-әл-Фарабиден шекара училищесіне дейін;
- Сейфуллин-Абайдан Райымбек даңғылына дейін;
- Райымбек-Сейфуллиннен Пушкинге дейін;
- Пушкин Райымбектен Гогольге дейін;
- Мүсірепов – Абайдан Тимирязевке дейін;
- Қазыбек би - Достықтан Кіші Алматы өзеніне дейін;
- Көктөбеге баратын жол Омарова көшесі бойымен Кіші Алматыдан Көктөбеге кіргенге дейін;
- Шалов – Тоқтабаевтан Жандосовқа дейін.
Мұхит Әзірбаев 2023 жылы құрылыс-монтаж жұмыстары басталған сегіз көше бойына жаңа жобалар әзірленетінін хабарлады:
- Саин – Абайдан Төле биге дейін;
- Момышұлы – Шаляпиннен Төле биге дейін;
- Төле би – Яссауиден Садовниковке дейін;
- Абай – Жароковтан Момышұлына дейін;
- Сүйінбай – Райымбектен Баум тоғайына дейін;
- Жандосов – Үлкен Алматыдан Саинға дейін;
Масанчи – Сәтбаевтан Қабанбай батырға дейін; - Жароков – Абай даңғылынан «Қазақфильм» шағын ауданына дейін.
Биыл жыл соңына қарай құрылысы басталатын: Жоғарғы Қаскелең тас жолында, Алматы-Бішкек тас жолында, Қапшағай тас жолында, Іле, Құлжа және Талғар трактілерінде «кіретін магистральдарын» (қала қақпаларын) абаттандыру бойынша жоба әзірленетін болады.
