Биыл Алматы қаласының Жетісу ауданында тұратын 400-ден астам отбасына азық-түлік пакеті түрінде көмек көрсетілді. Тағы 80 отбасы гигиеналық құралдар алды.
Жетісу ауданының әкімі Гүлнар Көкебаева Өңірлік коммуникациялар қызметінің онлайн-алаңында сөз сөйлеп, жүргізіліп жатқан қайырымдылық жұмыстары туралы айтып берді.
«Родник» қоғамдық қоры аз қамтылған отбасыларға мектепке дейінгі және мектеп жасындағы балаларды дамыту мен тәрбиелеуге арналған жиынтықтары бар рюкзактар түрінде өнімдерден бөлек көмек көрсетті», - деді аудан әкімі.
Жас ұрпаққа көп көңіл бөлінуде. Мәселен, Балаларды қорғау күнінде ерекше қажеттіліктері бар 67 балаға мерекелік түскі ас ұйымдастырылып, ойыншықтар мен Magnum азық-түлік сертификаттары табыс етілді.
Құрбан байрам мерекесін өткізу кезінде халықтың әлеуметтік осал топтарынан шыққан 160 отбасыға құрбандыққа шалынған малдың еті таратылды.
Ауданда көп балалы және аз қамтылған отбасылар үшін «Бақытты отбасы» орталығы жұмыс істейді, оған жыл басынан бері 750-ге жуық адам түрлі көмекке жүгінген. Ал қарттардың бос уақытын өткізу үшін белсенді ұзақ өмір сүру орталығы жұмыс істейді, онда іске қосылған сәттен бастап 41 мың қызмет көрсетілді.
«Біз «Шыңға өрлеу» ұрпақтар сабақтастығы жобасы арқылы аз қамтылған отбасы балаларына ерекше көңіл бөліп, олар тегін қосымша білім алуда. Биыл 130 бала оқытылды», - деп жалғастырды аудан әкімі.
Қорытындылай келе, ауданда Paralympic Sports Association қоғамдық қоры жұмыс істейді, онда «Иппотерапия» жобасы бойынша 12 мүгедек бала оңалтуда.
