ҚР Мәдениет және спорт министрлігі, Ә.Қастеев атындағы Мемлекеттік өнер мұражайы және Қазақстан Кинематографистер одағы Игорь Александрович Вовнянконың 80жылдығына арналған естелік іс-шаралары аясында «Менің Қазақстаным» атты фотокартина көрмесін ұсынады.
Фотокөрме 14 шілдеде сағат 16.00-де Әбілхан Қастеев атындағы ҚР Мемлекеттік өнер музейінде кино өнері шеберінің мерейтойы күні ашылады.
Игорь Вовнянко қазақ кинематографиясына 60 жылдан астам өмірін арнады, оператор, қоюшы-режиссер және сценарий авторы ретінде ондаған көркем кинокартиналар түсірді, қазақ киносының алтын қорына заңды түрде енген деректі кино туындыларының сериясын жасап шығарды. Сонымен қатар, Вовнянко «Қазақстанның этно-сәулет және ландшафтық мәдениетінің антологиясын» жасай отырып, туған ел туралы бірегей фотоматериалдарды жинақтады.
Ұланғайыр Қазақстан көптеген табиғи, сондай-ақ, тарихи қазыналарға толы және Игорь Александрович оларға деген сүйіспеншілігін қатып қалған сәттерде түсірген. Шөл мен сәулет, жануарлар мен ағаштар, дала мен таулар Сізді Отанымызға, Қазақстанға басқа көзқараспен қаратады және жаңа, таңғажайып әсерлер сыйлайды.
Қазақстан - табиғаты керемет, тропиктер мен субтропиктерді қоспағанда, барлық климаттық аймақтар қамтылған орасан зор ел. Бұл кең аумақта ежелгі мәдениеттердің іздері көп. Олар ЮНЕСКО қорғауына алған Тамғалы Тас шатқалында орналасқан қорғандар мен жартастағы суреттер-петроглифтер. Ежелде Қазақстан арқылы біздің мәдениетімізде із қалдырған және мемлекет аумағына көптеген діндерді алып келген Ұлы Жібек жолы өткен. Сол уақыттан бері Ислам, христиандық және басқа конфессиялар біздің жерімізде бейбітшілік пен келісімде қатар өмір сүріп келеді. Туристерге ежелгі қалалардың құпиялары ашылады. Қазақстанның түкпір-түкпірінен Азияның жаны көрінеді.
Игорь Александрович Вовнянко бүкіл елді аралап, Қазақстанның түкпір-түкпірінен жүздеген фотосуреттер түсірді. Оның суреттерінде дәуірлер мен жыл мезгілдері, ежелгі дәуірден қазіргі урбанизацияға дейінгі сәулет туындылары алмасады. Мұнда ежелгі петроглифтердің, құм мен тас шатқалдардың, қар басқан таулар мен күзгі түске боялған тоғайлардың бейнелері бар. Бірақ, ең бастысы, кез-келген жердегі адам кино өнері шеберінің фотосуреттерінен жанына жақын нәрсені табады және ол оның өмір бойына әсерін қалдырады және жұмбақ Қазақстанға жол тартқызатын қызығушылық дәнін егеді.
«Менің Қазақстаным» фотокөрмесі 10 жыл бұрын Астана, Алматы, Талдықорған және Парижде (Франция) сәтті өтті. Бүгін автордың 80 жылдығына орай Ә.Қастеев атындағы Мемлекеттік өнер музейі мен Қазақстан Кинематографистер одағы Игорь Вовнянконың шығармашылығына құрмет көрсете отырып, шетелдік және қазақстандық көрермендерге Қазақстанның этно-сәулет және ландшафтық мәдениетінің кең палитрасымен танысуға мүмкіндік бере отырып, оның фотокартиналар көрмесін ұйымдастырды. Сонымен қатар, бүгін «Ел Арна» телеарнасында «Дом у соленого озера» көркем фильмі (сценарий авторы және қоюшы режиссер Игорь Вовнянко) және «Мой КиноТеатр» деректі фильмі көрсетіледі.
Игорь Александрович Вовнянко 1942 жылы Алматыда дүниеге келген. 1968 жылы Бүкілодақтық мемлекеттік кинематография институтының операторлық факультетін бітірген. Өзінің кинематографиялық қызметі кезінде қоюшы-оператор, қоюшы-режиссер және сценарий авторы ретінде 30-дан астам кинокартина түсірген. Вовнянконың театрлық пьесалары көп жылдар бойы еліміздің жетекші қазақ театрларының сахнасында сәтті қойылған. 10 жылдан астам уақыт бойы Қазақстан кинематографистер одағын басқарды. Игорь Вовнянко - Қазақстан Мемлекеттік сыйлығының лауреаты (1985), Қазақстанның еңбек сіңірген қайраткері (1998), тәуелсіз «Тарлан» сыйлығының лауреаты (2006), Домбровский атындағы әдеби сыйлықтың лауреаты (2007).
Көрме 2022 жылдың 28 шілдесіне дейін жалғасады.
