Жаңа жылдық мерекелер қарсаңында Қазақстан Республикасының Мемлекеттік академиялық би театры алматылықтар мен мәдени елорда қонақтарына классикалық балет шедеврлерінің сахналарынан құралған арнайы бағдарлама дайындады! Гала - концерт көрермендерді би өнерін тамашалап, мерекенің қайтадан сиқырлы атмосферасына бөленуге мүмкіндік берді. Кеш бағдарламасында классиктердің өшпес шығармалары шырқалды, ал балет труппасы ешкімді бей-жай қалдырмайтын жаңа жылдық нөмірлер дайындады.
Осы Қысқы кеште мемлекеттік Жамбыл атындағы филармонияның үлкен сахнасы ғажайыптар қалыптасатын орынға айналды, ал балет классикасының сахналары театрдың үздік солистерінің орындауында өмірге келді.
П.И.Чайковскийдің музыкасының ұлылығы және Василий Вайноненнің Эвелина Гржибовскаяның сахналық нұсқасындағы сиқырлы хореографиясы әйгілі «Щелкунчиктің»көріністерін жандандырды. «Қызғылт вальс», Адажио Маша және Щелкунчик, сондай-ақ «Қар үлпектерінің вальсі» көрермендерді сиқырмен, қысқы ертегіге бөлегендей. Жетекші солистер Екатерина Арсеньева, Анна Бурлова және Жанат Тайкенов балет әртістерімен бірге шынайы сиқыр сәттерін сыйлады.
Гулнар Камалова мен Алимурат Салиховтың орындауындағы П.И.Чайковскийдің музыкасына қойылған “Қысқы бақ” балет нөмірі Дэвид Гарреттің аранжировкасында "Аққу көлі"аңызға айналған дәстүрлі балетіне заманауи екпін қосқан әдемі картина болды. Булат Аюхановтың хореографиясындағы «Аққу көлі» балетінен шыққан «Қалыңдықтар шеруі» ұлттық бейнелердің нағыз калейдоскопына айналды - испан, неаполитан, венгр, орыс және поляк билері шабытпен, дәлдікпен және құмарлықпен орындалды, балеттің күші арқылы бейнелердің алуан түрлілігін көрсетті.
Л.Минкустың «Дон Кихот» балетіндегі Па-де-де испан классикасының құмарлығы мен шексіз энергиясын еске түсірді. Ватанабе Минами мен Асылбек Исмаилдың орындауы таң қалдырды және олардың әрбір қимылындағы желдің екпіні, әрбір бұрылыс эмоциялардың құйыны сияқты болды. Кештің шарықтау шегі Булат Аюхановтың «Қызыл және Ақ» туындылары және М.Равельдің «Болеро» балетінен шыққан нөмір болды. Гүлнар Камалова мен Дияр Акенев дуэтіндегі «Қызыл және Ақ» балет қойылымынан үзінді хореографияны күшті орындауға ұласты. Айша Каспакбаева, Аружан Бекталиева, Алимурат Салихов «Болеро» балетінің эмоционалды жарылысына айналатын шиеленісті тудырды.
«Жас балет Алма-Аты» балет труппасының орындауындағы Гала-концерт өнер кеші ғана емес, нағыз ашылу болды. Музыка, қозғалыс, бейнелер — мұның бәрі балеттің өмір, эмоция және тереңдік екенін тағы бір рет еске түсіру үшін біріктірілді. Балет өнері сезімдерді ояту, шабыттандыру және жүректерінде із қалдыру күшін тағы да дәлелдеді.
