28-30 желтоқсанда Almaty Theatre сахнасында балет, вокал және музыканы біртұтас көркем шығармаға біріктіретін жаңа жылдық кеш өтеді. Бұл кеш жаңа жыл қарсаңындағы күндерді талғампаздық пен шабыт атмосферасында өткізгісі келетіндер үшін ұмытылмас әсер қалдырары сөзсіз.
«Біздің мақсатымыз – көрермен қауым өзін шабыт пен ұмытылмас эмоцияға толы жаңа жылдық оқиғаның бір бөлшегі ретінде сезінсе дейміз. Бағдарламаның әр элементі мұқият ойластырылған: музыка мен вокал партияларынан бастап, біртұтас көркем дүние жасайтын хореографиялық қойылымдарға дейін. Біз өнер мен мерекелік атмосфера үйлесімінен әр мейманның жаңа жылдық сиқырдың бір бөлшегін тапқанын қалаймыз», – деп атап өтті кештің қоюшы-режиссері Мукарам Авахри.
Кеш сәнді безендірілген залдағы ғаламат перформанстан басталады. Таңғажайып ертегілердің кейіпкерлері жаңа жылдық мереке мен сиқыр атмосферасын тудырады. Жүргізуші-конферансье меймандарды талғампаз бал-маскарад атмосферасына шомуға шақырады.
Негізгі іс-шара Almaty Theatre сахнасында өтеді. «Астана Балет» театрының солисттері әлемдік классика жауһары – «Щелкунчик» және «Күлше қыз» үзінділерін, сондай-ақ хореографиялық миниатюралар мен дуэттерді орындайды. Бұл кеште көрермен қауым классика мен заманауи хореографияның өзіндік тілін тамашалай алады. Күрделі пластика, көркем қимылдар және орындаушылардың эмоционалды тереңдігі адам баласының сезімдері, армандары мен үміттері жайлы оқиғаларды баяндайды.
Juband джаз тобы Hallelujah және Let It Snow секілді жаңа жылдық хиттерді орындап, меймандарды мерекелік көңіл-күйге бөлейді. Рояль, флейта және ішекті аспаптардың ғажап әуезі кештің көркін ашып, ал вокалдық нөмірлер бай музыкалық кеңістік құрады. Кеш соңында көрермен залын мерекелік атмосфераға бөлеп, ұмытылмас эмоциялар сыйлап, жақындап келе жатқан жаңа жылдық түннің сиқырын еске түсіретін попурри орындалады. Бағдарлама бастан-аяқ – мұқият таңдалған музыкалық композициялардан хореографиялық қойылымдарға дейін – көрермен қауымды өнер мен мерекелік атмосфера тұтасқан мүлдем басқа әлемге... Театрдың ғажайып әлеміне жетелейді.
