«Мен тек нақтылайын» жобасы барлық тарихқа қызығушылық танытқан қауымды 2025 жылдың 31 мамырында өтетін ерекше дәріске шақырады. Шараның тақырыбы — «Қазақ хандығы: құт пен жұт».
Кештің қонағы — танымал қазақстандық тарихшы, жазушы, «Қазақ тарихи қоғамының» атқарушы директоры Радик Темірғалиев. Ол өз дәрісінде Қазақ хандығының құрылуы, дамуы мен күйреуіне әсер еткен тарихи үдерістерді тереңінен талдап, тың деректер мен өз көзқарасын ұсынады.
Іс-шара орыс тілінде Ә. Қастеев атындағы ҚР Мемлекеттік өнер музейінде өтеді. Басталуы — сағат 16:00-де.
Автормен бірге сіз қазақ хандығының қалыптасу кезеңінен бастап, оның тәуелсіздігінен айырылған тарихи сәттеріне дейінгі жолды бірге өткересіз.
Бұл жолда қандай тұлғалар мен оқиғалар шешуші рөл атқарды, олар болашақ ұрпақ үшін қандай сабақ қалдырды, осы және өзге де маңызды сұрақтарға тарихшының дәрісінен жауап таба аласыз.
Радик Темірғалиев — қазақ тарихын кеңінен зерттеп жүрген, көрнекті қазақстандық тарихшы әрі жазушы, «Қазақ тарихи қоғамының» атқарушы директоры. Ол — «Ақ Орда. Қазақ хандығының тарихы», «Соңғы батырлар дәуірі», «Қазақтар және Ресей», «Қазақтар. Бабалар жолы» атты маңызды еңбектердің авторы. Оның «Тамға. Қазақ руларының тарихы» атты монографиясы нағыз бестселлерге айналды.
Зерттеушінің еңбектері қазақ мемлекетінің түрлі кезеңдерін, жекелеген рулардың тарихы мен олардың қоғамды біріктірудегі рөлін қамтиды. Сонымен қатар ел тағдырын ғасырлар бойы айқындап берген тарихи шешімдер мен солардың қабылдануына ықпал еткен дара тұлғалар мен жағдайлар терең талданады.
Күні: 31 мамыр 2025 жыл
Басталуы: 16:00
Мекенжайы: Алматы қаласы, Көктем-3 ықшам ауданы, 22/1-үй, Ә. Қастеев атындағы ҚР Мемлекеттік өнер музейі
Дәріс орыс тілінде өтеді.
Билет бағасы: 5 000 теңге (кірген кезде төленеді)
