2025 жылғы 30 мамыр мен 1 маусым аралығында Алматы қаласындағы Орталық көрме залында дәстүрге айналған Орталық Азия шеберлерінің кезекті «Жібек жолы» атты қолөнер көрме-жәрмеңкесі өтеді.
Қазақстан, Қырғызстан, Өзбекстан және Түрікменстанның қолөнер шеберлері сәндік-қолданбалы өнердің таңдаулы туындыларын ұсынады:
- Қолмен тоқылған жібек шарфтар
- Экологиялық таза киізден жасалған бұйымдар
- Оюлы ағаш бұйымдары
- Жібек жіппен кестелеу
- Қолдан жасалған керамика
- Зергерлік әшекейлер
- Шығыс миниатюрасы және тағы басқалар.
Көрме-жәрмеңкенің басты мақсаттары:
- Шеберлер арасында тәжірибе алмасуға жағдай жасау
- Өз бұйымдарын сату арқылы қолөнершілердің қаржылық жағдайын зерттеу
- Келушілердің мәдени-танымдық деңгейін арттыру
- Дәстүрлі қолөнерді дәріптеу
- Орталық Азия елдері арасындағы мәдени байланысты нығайту
Халықтық, дәстүрлі және заманауи қолөнер бұйымдарының көрме-жәрмеңкесі жыл сайын алматылықтар мен қала қонақтарының қызығушылығын тудырып, шабыт пен шығармашылықтың тоғысатын алаңына айналуда.
Қосымша бағдарлама:
Көрме аясында күн сайын сағат 11:00-ден 15:00-ге дейін «Сырғалақ» атты көне тоқу өнері бойынша шеберлік сабағы өтеді. Қалаған әрбір қатысушы түрлі-түсті жіптерден белдік немесе кітапқа арналған бетбелгі тоқуды үйрене алады.
Өткізетін орны: Алматы қаласы, Орталық көрме залы (Желтоқсан к-сі, 137 үй/ Жамбыл к-сі).
Көрме-жәрмеңкенің жұмыс уақыты: 30.05. – 01.06. 2025 жыл сағат 10:00 – 18:00
Ұйымдастырушылар: «Бахыт» сәндік-қолданбалы өнер» орталығы
