2025 жылғы 4 маусым күні сағат 19:00-де Қазақстан Республикасының мемлекеттік рәміздері күніне орай, филармонияның үлкен залында Н.Тілендиев атындағы академиялық фольклорлы-этнографиялық «Отырар сазы» оркестрі «Атамекен» атты концертін ұсынады.
Оркестрдің көркемдік жетекшісі және бас дирижері – Қазақстанның еңбек сіңірген қайраткері, «Құрмет» және «Парасат» ордендерінің иегері Дінзухра Тілендиева.
Дирижерлер – Қазақстанның еңбек сіңірген әртісі, «Құрмет» орденінің иегері Жалғасбек Бегендіков және халықаралық, республикалық байқаулардың лауреаты Әбілқайырхан Бейсеков.
Сахна төрінде өнер көрсететін солистер:
Нұрғалым Аманбай, Дияр Нұрсұлтанов, Жұлдыз Байжұма, Рәния Айдын, Төлеген Рахымбаев, Саят Абдулла, Ернұр Мазанбеков — барлығы да халықаралық және республикалық деңгейдегі байқаулардың жеңімпаздары.
Концерттік бағдарламада:
-
С.Мұхамеджанов – «Шаттық Отаны»
-
Махамбет – «Жайық асу»
-
К.Күмісбеков – «Менің далам»
-
Қ.Ахмедьяров – «Күй Ұран»
-
Н.Тілендиев – «Ақиық»
-
М.Маңғытаев – «Қазақстаным менің»
-
Н.Тілендиев – «Жас ұландар маршы»
-
Е.Үсенов – «Қаршығаның төкпесі»
-
Мұхит – «Зәуреш»
-
Ө.Байділдаев – «О туған жер»
-
М.Маңғытаев – «Концерттік күй»
-
К.Күмісбеков – «Поэма»
-
М.Ержанов – «Қуанамын»
-
Е.Үсенов – «Ару Алматым»
-
Ән. М.Бектасов, сөз. Ш.Құсайынов – «Еңбекші Қазақ вальсі»
-
М.Төлебаев – «Кестелі орамал»
-
Н.Тілендиев – «Менің бабам Қарасай»
-
Қ.Ахмедьяров – «Нұрғиса»
-
Д.Тілендікеліні – «Мәңгілік елім»
-
Е.Хасанғалиев – «Атамекен»
Бұл кеш – елге деген сүйіспеншілікті, Отанға деген мақтаныш пен рухты оятатын ерекше музыкалық мереке. Әрбір шығарма – Тәуелсіз еліміздің жүрегіне айналған әндер мен күйлер арқылы тыңдарманды ұлттық болмысқа жетелейді.
«Атамекен» концерті – Отанға тағзым етудің, рухани байлыққа бөленудің жарқын көрінісі. Кеш барысында көрермендер қазақтың тарихи тамыры терең музыкалық мұрасын сезініп, елдік пен бірлік рухына толы әуендердің шуағына шомылады.
