1 қараша күні Алматы қаласында әлеуметтік-мәдени медиа-жобаның маңызды кезеңі «Сауыты жоқ сезім» арт-ивенті мен фотокөрмесі ұйымдастырылды. Бұл жоба — өнер, тірі қарым-қатынас пен шабытты тоғыстырған ерекше кеңістік. Оның мақсаты — адамдар арасындағы шынайы кездесулердің, ашық әңгімелер мен адами байланыстардың қадірін қайта оралту.
Жоба туралы
«Сауыты жоқ сезім» — жай ғана көрме емес. Бұл — сенім мен қатысудың кеңістігі, мұнда өнер тірі диалогқа себеп болады. Мұнда суреттерді көрумен ғана шектелмей, өзге адамдардың энергиясын сезінуге, шабыттануға, танысуға және пікірлес жандарды табуға мүмкіндік бар.
Цифрлық коммуникация үстемдік еткен заманда, әңгімелерді стористер алмастырған уақытта, бұл жоба көрерменге адам арасындағы шынайы байланыстың жылулықтың, қолдаудың, назардың шексіз құндылығын қайта ұсынады.
Идея мен миссия
Бұл жобаны әйелдер жасады. Ол әйелдерге арналса да, оның мағынасы бәріне ортақ адам төзімділігі, нәзіктігі мен өзара қолдау туралы айтылады.
Әр қатысушы өз жолынан өтті: күресті, күмәнданды, жеңді, шабыттанды.
Жоба әйел адамының жалғыз емес екендігін еске салады.
Қасыңда дәл өзіңдей сезінетін, тірі, мықты адамдар бар.
Сол себепті «Сауыты жоқ сезім» — әйел бірлігі, диалог және өз күшін сезіну туатын кеңістік.
Жобаның идея авторы және кураторы — Ирина Хабер
«Бұл жобаны бастағанда, мен адамдарға шынайы болуға мүмкіндік беретін кеңістік жасағым келді. Маскасыз, қорқынышсыз, өзіңнің нәзік тұсыңды жасырмау керек екенін ұқтым. Мен әйелдің күші — оның тереңдігінде, адалдығында, сезініп өмір сүре алу қабілетінде деп сенемін.
“Сауыты жоқ сезімнің” әр портреті мен әр тарихында өмірден қашпай, ауырсыну мен күмәннен өтіп, бәрібір жарықты таңдаған жанның бейнесі бар.
Бұл жоба — біз туралы. Бізді тірі, шынайы және мықты ететін нәрсе туралы. Әр қатысушыға сенімі, батылдығы және өз болмысы үшін алғыс айтамын»
Жоба қатысушылары
Жоба медицина, өнер, бизнес, білім, психология және креативті индустриялар саласындағы әйелдерді біріктірді:
- Дана Башибаева — маммолог-онколог, хирург.
- Разия Хасанова — режиссер, сценарист, продюсер, Interius театрының негізін қалаушы.
- Александра Личман — психолог, релив-терапевт.
- Жанна Оспанова — коуч, «Я и мой мужчина. Так при чём тут папа?» кітабының авторы.
- Ирина Виговская — бизнес-консультант, медиатор, фасилитатор.
- Марина Григорьева — әйелдердің интимдік саулығы бойынша сарапшы, Vumtraining негізін қалаушы.
- Джанетта Баймұхан — психолог, блогер, ана, отбасылық үйлесім маманы.
- Оксана Лю-Фу — астролог, тұлғалық трансформация практигі.
- Ольга Ким — кәсіпкер, Brosh Agency және Brosh Uniform негізін қалаушы.
- Маржан Ельшибаева — медиаменеджер, қоғам қайраткері, Айран YouTube-арнасының жетекшісі.
- Мөлдір Рысалиева — топ-менеджер, Halyk Finservice компаниясының CEO-сы, Ozon Қазақстанның экс-басшысы.
- Диана Самыкен — әнші, вокалист, үш баланың анасы.
- Гүлнара Сильбаева — актриса, әнші, «Спарта» КВН командасының мүшесі.
- Және де өз тарихымен, жарығымен және рухымен шабыт сыйлайтын басқа да кейіпкер әйелдер.
Жоба тобы
Идея және куратор: Ирина Хабер
Фотографтар: Олеся Петренко және Алина Тороян — әйелдің күші мен табиғи сұлулығын бейнелейтін визуалды тарихтардың авторлары.
Визуалды жоба режиссері: Нурдаулет Досжанов — клиптер мен рилстардың авторы, эстетика мен мағынаны тоғыстырған шебер.
Бас ақпараттық серіктес: Business FM
«Сауыты жоқ сезім» — бұл жай мәдени шара емес, өзіңмен және өзге адамдармен шынайы байланыс орнату тәжірибесі.
Бұл — шыншылдықтағы, нәзіктіктегі және адам болып қала білудегі күш туралы еске салу.
