Ведомство жұмысының қорытындылары туралы Өңірлік коммуникациялар қызметінің брифингінде Алматы қаласы цифрландыру басқармасының басшысы Баян Қоңырбаев айтып берді.
Баяндамашы AlmaU қалатану орталығының студенттері Цифрландыру департаментімен және Frontier.kz компаниясымен бірлесіп жаяу жүргіншілер қозғалысына кедергілерді, аудандардың коммерциялық мүмкіндіктерін, қоғамдық көліктің қолжетімділігін және негізгі құрылыстың морфотиптерін анықтау үшін Алматы қаласының аудандарына талдау жасағанын атап өтті..
Сонымен қатар, Баян Қоңырбаев өз жетістіктерімен бөлісті. Ақылды қаланы дамыту бойынша 3 жылдық жұмыстың қорытындысы бойынша мегаполисіміз болашақ қалалар тұжырымдамасын әзірлеуге ең дайын қалалар тізіміне енді. Азиядан тек Сеул, Сингапур және Алматы таңдалды.
Цифрландыру басқармасының басшысы «БКДҚ 112» Бірыңғай кезекшілік-диспетчерлік қызметінің жобасы бойынша аяқталған жұмыстарға тоқталды.
Бүгінде Әуезов көшесі, 82 мекенжайдағы ғимаратты реконструкциялау жұмыстары аяқталды, Алматы қалалық Құтқару қызметінің бюджеттік бағдарламасының әкімшісі бекітілді, Avaya техникасы көшірілді, серверлік бөлмеге қосымша кондиционерлер орнатылып, тұрақты электр қуатымен қамтамасыз етілді.
Барлық авариялық-құтқару қызметтерімен (101, 102, 103) БКДҚ -112 операторларын оқыту және мүмкіндігінше АЖ 101, 102, 103 АЖ EDDS-112 біріктіру жұмыстары басталды. 162 операторды оқыту жоспарлануда.
Қоңырбаевтың айтуынша, Бірыңғай кезекшілік-диспетчерлік қызмет жобасын жүзеге асыру қарқынды жүріп жатыр. Ол АҚШ-тың 911 принципі бойынша жұмыс істейтін болады, Дубайда да дәл солай: 101, 102, 103 жедел қызметтеріне арналған байланыс орталықтарының операторлары біріктіріледі, бірақ қызметтердің өзінде Жедел басқару орталықтары сақталады. Сонымен қатар, операторлар адамның орналасқан жері, нөмірдің кімге берілгені туралы ақпаратты, абоненттің толық картасын көреді.
Баян Қоңырбаев Алматы қаласы бойынша БМБЖ бейнемониторингтің бірыңғай жүйесін енгізу бойынша жүргізіліп жатқан жұмыстар туралы хабарлады.
Спикердің айтуынша, бүгінде БМБЖ және ККМ (көлемді көрініс мониторы) бойынша 3050 камераға арналған бюджет бекітілді, Алматы қаласының ДП-мен бірлесіп ККМ камераларының қажеттілігі зерттелді, аудандық әкімдіктермен бірлесіп камералар тізімі бекітілді, әлеуметтік нысандар мекенжайлары көрсетілген тізім анықталды. Бұдан басқа, 30 маусымда Мемлекет басшысы "Алматы қаласының ерекше мәртебесі туралы" ҚР Заңына толықтыруларға қол қойды, олар деректерді беру арналары үшін ақы төленген жағдайда Бизнестің бейнекамераларынан бейне ағындарын өтеусіз негізде жинауға мүмкіндік береді.
Брифинг соңында Баян Қоңырбаев зияткерлік қауіпсіздік жүйесін кеңейту және Алматының «Сергек» автожолындағы көлік қозғалысын талдау туралы айтты.
Оның айтуынша, мегаполисте 766 «Сергек» кешені жұмыс істейді, оның ішінде 383 АПК желілік учаскелерде және 383 АПК Алматының 8 ауданында барлығы 5034 камерамен қиылысқан жерлерде орналасқан.
Өткен жылы «Сергек» жүйесі бойынша 50 пайыздық жеңілдікті есепке алғанда бюджетке өндірілген жалпы сомасы 18 147 508 764 теңгені құрайтын 1 431 823 айыппұл тіркелгені белгілі, 7 817 119 839 теңге. 2022 жылы (қаңтар, ақпан, наурыз, сәуір, мамыр) 150 мыңнан астам айыппұл тіркеліп, Алматы қаласының бюджетіне 2 146 918 431 теңге өндірілді. 2021 және 2022 жылдарға арналған бюджетке түскен кірістердің жалпы сомасы 9 964 038 270 теңгені құрады.
Бүгінде Алматы қаласында жобаны кеңейту мәселесі пысықталуда. Қосымша орнатуды талап ететін "Сергек" кешендерінің саны – 469 АПК, сондай-ақ "Жол қозғалысы қауіпсіздігі"автоматтандырылған ақпараттық жүйесі бекеттерін модернизациялау (ауыстыру) бойынша қосымша 106 АПК құрады. АПКжалпы саны 575 құрады. Сондай-ақ, "Сергек" келісім-шартын Алматы қаласы цифрландыру басқармасының теңгеріміне беру мәселесі шешілуде.
