Салық кодексіне енгізілген өзгерістер мен толықтыруларға сәйкес, ретроспективті түрде, 01.01.2023 жылдан бастап бөлшек салықтың арнаулы салық режимінің (бұдан әрі – АСР) қолданылуы қайта басталды.
Бөлшек салықтың АСР мынадай шарттарға сәйкес келетін салық төлеушілер қолдануға құқылы:
- салықтық кезең ішіндегі жұмыскерлердің орташа тізімдік саны 200 адамнан аспайды;
- күнтізбелік жылдағы кірісі республикалық бюджет туралы заңда белгіленген және тиісті қаржы жылының 1 қаңтарына қолданыста болатын 600 000 айлық есептік көрсеткіштен аспайды;
- осы режимді қолдану мақсаттарында Қазақстан Республикасының Үкіметі айқындаған қызмет түрлерінің тек қана біреуін немесе бірнешеуін жүзеге асырады (Қазақстан Республикасы Үкіметінің 2023 жылғы 22 мамырдағы № 393 қаулысы).
Төлем көзінен ұсталатын салықтарды қоспағанда, КТС/ЖТС-ын есептеуді бөлшек салықтың АСР-ін қолдану кезінде салық төлеуші есепті салықтық кезең ішінде салық салу объектісіне мынадай мөлшердегі мөлшерлемені өз бетінше қолдану арқылы жүргізеді:
Қазақстан Республикасында және оның шегінен тыс жерлерде салықтық кезеңде алынған (алынуға жататын) кірістер бойынша – 4 %;
КТС/ЖТС-ын есептеу үшін шығыстар сомаларын шегерімге жатқызу бойынша осы Кодекстің 242-б. 3-2-т. нормаларын қолданатын салық төлеушілерге тауарларды өткізуден, жұмыстарды орындаудан, қызметтер көрсетуден алынған кірістер бойынша – 8 % (Салық кодексінің 696-3 б. 4 т.).
Сонымен қатар, жергілікті өкілді органдардың белгіленген қызмет түріне және объектінің орналасқан жеріне қарай мөлшерлемені (4%) 50 %-ан аспайтын мөлшерде төмендетуге құқығы бар. Бұл ретте жекелеген салық төлеушілер үшін мөлшерлемені жеке-дара азайтуға тыйым салынады (Салық кодексінің 696-3 б. 5 т.).
Мұндай шешім ол енгізілген жылдың алдындағы жылдың 1 желтоқсанынан кешіктірілмей қабылданады, ол қабылданған жылдан кейінгі жылдың 1 қаңтарынан бастап қолданысқа енгізіледі және ресми жариялануға тиіс.
Бұл ретте 2023 жылға ставка мөлшерін төмендету туралы мұндай шешім а.ж. 1 шілдесінен кешіктірілмей қабылданады және ол қабылданған жылдың 1 қаңтарынан бастап қолданысқа енгізіледі және ресми жариялануға тиіс.
Бүгінгі таңда Қарағанды, Қызылорда облыстары және Астана қаласы бойынша жергілікті өкілді органдар мөлшерлеменің мөлшерін төмендету туралы шешім қабылдады (тізім қоса жалғанды).
|
№ |
Атауы |
Шешім қабылданған күні және № |
Ставкасы |
|
Қарағанды облысы |
|||
|
1 |
Абай ауданы |
№ 6/58, 22.06.2023 |
2% |
|
2 |
Қарағанды қ. |
№ 56, 27.06.2023 |
2% |
|
3 |
Қарқалы ауданы |
№ VIII-5/51, 27.06.2023 |
2% |
|
4 |
Нұра ауданы |
№ 30, 27.06.2023 |
2% |
|
5 |
Осакаров ауданы |
№ 6/65, 27.06.2023 |
2% |
|
6 |
Сарань қ. |
№ 37, 27.06.2023 |
2% |
|
7 |
Теміртау қ. |
№ 6/7, 30.06.2023 |
2% |
|
8 |
Бухар-Жырау ауданы |
№ 9, 27.06.2023 |
2% |
|
9 |
Шахтинск қ. |
№ 269/4, 27.06.2023 |
2% |
|
10 |
Ақтоғай ауданы |
№ 49, 27.06.2023 |
2% |
|
11 |
Шет ауданы |
№ 3/34, 26.06.2023 |
2% |
|
12 |
Балхаш ауданы |
№ 5/52, 30.06.2023 |
2% |
|
13 |
Приозерск қ. |
№ 6/42, 27.06.2023 |
2% |
|
Қызылорда облысы |
|||
|
14 |
Жалағаш ауданы |
№ 4-4, 27.06.2023 |
2% |
|
15 |
Жаңақорған ауданы |
№ 52, 27.06.2023 |
2% |
|
16 |
Қазалы ауданы |
№ 52, 30.06.2023 |
2% |
|
17 |
Қармақшы ауданы |
№ 53, 23.06.2023 |
2% |
|
18 |
Қызылорда қ. |
№ 45-5/1, 30.06.2023 |
2% |
|
19 |
Арал ауданы |
№ 69, 23.06.2023 |
2% |
|
20 |
Сырдария ауданы |
№ 41, 30.06.2023 |
2% |
|
21 |
Шиелі ауданы |
№ 4/2, 27.06.2023 |
2% |
|
Астана қ. |
|||
|
22 |
Астана қ. |
№ 50/5-VIII, 30.06.2023 |
3% |
ҚР ҚМ Мемлекеттік кірістер комитетінің Баспасөз қызметі
