2024 жылғы 1 қаңтардан бастап мемлекеттік жәрдемақылардың барлық түрлері және базалық зейнетақы төлемі ҚР Ұлттық Банкі айқындайтын инфляцияның болжамды деңгейіне сәйкес 7% – ға, жасына байланысты және еңбек сіңірген жылдары бойынша зейнетақы төлемдері 9 пайызға өседі, яғни инфляция деңгейінен 2% - ға көтерілді.
Бұл туралы Алматы қаласының өңірлік коммуникациялар қызметінің алаңында Алматы қаласы бойынша Еңбек және әлеуметтік қорғау Комитетінің Департамент басшысы Асқар Аймағамбетов мәлімдеді.
Спикердің мәліметінше, базалық әлеуметтік төлемдердің мөлшерін есептеу үшін ең төменгі күнкөріс деңгейі 2024 жылдың 1 қаңтарынан бастап 43 407 теңгені құрады.
Заң бойынша:
- айлық есептік көрсеткіш (АЕК) 3 692 теңге;
- ең төменгі зейнетақы – 57 853 теңге;
- базалық әлеуметтік төлемдердің мөлшерін есептеу үшін ең төменгі күнкөріс деңгейі (ТКД) – 43 407 теңге;
- ең төменгі жалақы мөлшері – 85 000 теңге;
- ең төменгі мемлекеттік базалық зейнетақы төлемінің мөлшері – 28 215 теңге болып бекітілді.
Осыған байланысты 2024 жылғы 1 қаңтардан бастап жоғарыда аталған көрсеткіштерге байланысты әлеуметтік төлемдер мен мемлекеттік жәрдемақылар өсуде.
Жасына байланысты және еңбек сіңірген жылдары бойынша зейнетақы төлемдері 9 пайызға өседі. Бұл ретте, 2024 жылы жасына байланысты жаңадан тағайындалатын зейнетақы төлемдерінің мөлшерін есептеу үшін ескерілетін ең жоғары табыс 2024 жылғы 1 қаңтардан бастап 55 еселенген АЕК (203060 теңге) құрайды.
Жасына байланысты зейнетақы төлемдеріне қосымша мемлекеттік базалық зейнетақы төлемі төленеді, оның мөлшері зейнетақы жүйесіне қатысу өтіліне байланысты болады.
Зейнетақы жүйесіне қатысу өтіліне 1998 жылғы 1 қаңтарға дейін жасаған жұмыс өтілі, сондай-ақ жинақтаушы зейнетақы жүйесіне қатысу өтілі қосылады, ол жинақтаушы зейнетақы қорларына немесе Бірыңғай жинақтаушы зейнетақы қорына міндетті зейнетақы жарналарын аудару кезеңділігі бойынша айқындалады.
«Алматы қаласы бойынша зейнетақы төлемдерін арттыру 242 мың алушыға жүргізілетін болады, олардың орташа зейнетақы төлемі 134 мың теңгені құрайды (оның ішінде жасына байланысты зейнетақы - 93385 теңге және базалық зейнетақы - 40711 теңге)», - деп нақтылады Асқар Аймағамбетов.
Сарапшы Қазақстанда бала туғанда берілетін біржолғы жәрдемақы отбасының табысына қарамастан, отбасында бірінші, екінші және үшінші бала туылғанда 38 АЕК мөлшерінде тағайындалады. Сәйкесінше 2024 жылғы қаңтардан бастап 140 296 теңгені (38*3692 теңге) құрайды.
Ана мен баланы қолдау жөніндегі мемлекеттік саясат шеңберінде отбасында төртінші және одан да көп бала туылғанда біржолғы жәрдемақы 63 АЕК мөлшерінде тағайындалады және 2024 жылғы 1 қаңтардан бастап жәрдемақы 232596 теңгені құрайды.
Мүгедектігі бойынша және асыраушысынан айырылу жағдайы бойынша, оның ішінде арнаулы әлеуметтік қызметтер көрсету орталықтарында тұратын және түзету мекемелеріндегі адамдар үшін мемлекеттік әлеуметтік жәрдемақылардың мөлшері әлеуметтік кодекстің 177 және 236-баптарында көзделген мөлшерде белгіленеді және 2024 жылғы 1 қаңтардан бастап ЕТКК мөлшерінің ұлғаюына байланысты көтеріледі (43407 теңге).
«Алматы қаласы бойынша бұл өзгеріс барлық санаттағы мүгедектігі бойынша 39384 КӘП алушысына, асыраушысынан айрылу жағдайы бойынша 13553 жәрдемақы алушыға қатысты болады", - деп атап өтті спикер.
Бұдан басқа, асыраушысынан айырылу жағдайы бойынша Мемлекеттік әлеуметтік жәрдемақылар 2024 жылғы 1 қаңтардан бастап ЕТКД мөлшерінің ұлғаюына байланысты (43407 теңге) көтеріледі. Асыраушысынан айрылу бойынша КӘП мөлшері қайтыс болған (қайтыс болған) асыраушының асырауындағы адамдардың санына, қайтыс болу себебіне және ең төменгі күнкөріс деңгейіне байланысты болады.
Егер отбасында:
- отбасының еңбекке қабілетсіз бір мүшесі болған кезде – 39935 теңге (ТКД 0,92);
- екі еңбекке қабілетсіз мүшесі болған кезде – 73792 теңге (ТКД 1,70);
- үш еңбекке қабілетсіз мүшесі болған кезде – 97666 теңге (ТКД 1,85);
- төрт еңбекке қабілетсіз мүшесі болған кезде – 112859 теңге (ТКД 1,96);
- бес еңбекке қабілетсіз мүшесі болған кезде – 119370 теңге (ТКД 2,03) тағайындалады;
- отбасының еңбекке қабілетсіз алты және одан да көп мүшесі болған кезде жәрдемақының мөлшері әрқайсысына (130221 теңге) 3,00 ТКД-нен тең үлесі ретінде есептеледі;
- ата-анасының екеуінен де айырылған жағдайда жетім балаларға асыраушысынан айырылу жағдайы бойынша айлық жәрдемақы әрбір балаға 66847 теңге (1,54 ТКД) мөлшерінде,
- отбасының еңбекке қабілетсіз мүшелеріне – 26913 теңге (0,62 ТКД) мөлшерінде, бірақ отбасының еңбекке қабілетсіз барлық мүшелеріне 2,92 ТКД (126749 теңгеден) аспайтын мөлшерде тағайындалады.
«Бүгінгі таңда Алматы қаласының барлық 360 мың зейнетақы және әлеуметтік төлем алушыларына 2024 жылдың 1 қаңтарына дейін ақпараттық жүйелердегі деректер негізінде зейнетақы мен жәрдемақыларды арттыру толығымен аяқталады, қандай да бір құжаттарды ұсыну талап етілмейді», - деп толықтырды Асқар Аймағамбетов.
