«Наркостоп» жобасы шеңберінде нашақорлық мәселесін шешуге тартылған мемлекеттік қоғамның барлық өкілдерінің күш-жігері, сондай-ақ ҮЕҰ өкілдері, азаматтық қоғам мен сараптамалық қоғамдастықтың күш-жігері біріктіріледі. Бұл туралы ӨКҚ брифингінде «Наркостоп» жобасының кураторы Нуржан Жакупов айтты.
Ол нашақорлық ұлттың психикалық, физикалық және моральдық денсаулығына қауіп төндіретінін атап өтті.
«Алматы қаласы бойынша біздің басты серіктестеріміз - бұл Алматы қаласының психикалық денсаулық орталығы және Алматы қаласы ПД Есірткі қылмысына қарсы іс-қимыл басқармасы. Біз жастарымыз үшін күресте күш-жігерімізді, тәжірибемізді және ресурстарымызды біріктіріп, жұмыс істейміз. Біз мұнда бір мақсатпен жиналдық, ол - жастар арасында нашақорлыққа қарсы күресте барлық мүдделі тараптардың күш-жігерін біріктіру, жоспарларымызды, идеяларымызды және шешімдерімізді талқылау. Менің әріптестерім статистикамен, өткен жылдардың нәтижелерімен, сондай - ақ биылғы ведомствоаралық жұмыс жоспарларымен бөліседі», - деді Нуржан Жакупов.
«Наркостоп» жобасы алғаш рет Алматыда 2021 жылы іске қосылды. Граффитиді бояудан басталған жоба бүгінде өз бағытын кеңейтті және синтетикалық тәуелділік мәселесіне жан-жақты қарайды.
ӨКҚ спикері биыл мектептер мен жоғары оқу орындарында «Наркостоп» жобасы бойынша есірткінің зияны туралы айтылатын іс-шараларды өткізу жоспарланып отырғанын айтты:
- профилактикалық жұмыс;
- мектептер мен университеттерде есірткінің зияны туралы білім беру іс-шараларын ұйымдастыру;
- ата-аналар мен мұғалімдерге жасөспірімдермен есірткі тақырыбында қалай сөйлесу керектігі туралы дөңгелек үстелдер мен тренингтер өткізу;
- «Қолданыстағы заңнаманың призмалары арқылы нашақорлықты емдеу және алдын алу тиімділігі» тақырыбындағы зерттеу.
Жалпы білім беретін мектептерде балалар мен ата-аналарға арналған профилактикалық дәрістер өтеді, онда арнайы шақырылған сарапшылар ата-аналарға, егер олардың баласы есірткіге тәуелді болып шықса, қажетті шаралар туралы айтып береді.
Сондай-ақ, оқушылармен есірткі заттарын таратқаны және қолданғаны үшін жауапкершілік туралы әңгімелер өткізіледі.
Есірткіге тәуелді адамдарды қолдау шеңберінде:
- көмекке мұқтаж адамдар үшін кеңес беру орталықтары мен телефон желілерін құру;
- есірткіден оңалту курсынан өткен жастарды әлеуметтендіру;
- есірткіге тәуелділіктен арылғысы келетін адамдар үшін қолдау топтары мен анонимді кездесулер ұйымдастыру;
- құқық қорғау органдарымен ынтымақтастық.
Алматыда тәуелділердің өздеріне де, олардың туыстарына да консультативтік, психологиялық және заңгерлік көмек көрсету үшін 4 фронт-офис ашу жоспарлануда.
ӨКҚ спикері жастармен жұмыс істеуге және олардың бос уақытына ерекше көңіл бөлінетінін атап өтті. Осы мақсатта жоба еріктілері қалада жасөспірімдерге арналған демалыс орталықтарын ашты. Ата-аналармен де жұмыс жүргізілуде. Бос уақыт орталықтарынан басқа, ата-аналары немесе туыстары балалардың нашарқорлығынан күдіктенген болса, оларға кеңес беретін фронт-офистер жұмыс істейді. Жергілікті жерлерде аддиктологтар алғашқы кеңес пен жолдама береді.
Биыл полициямен бірлесіп киберволонтерлік қызметке баса назар аударылуда.
«Есірткі тарататын сайттарды, пабликтерді анықтаумен айналысатын киберволонтерлер бөлімі бар. Соның ішінде бізде есірткі сатушылар есірткіге ақша аударуды сұрайтын карта нөмірлерін алатын арнайы оқытылған еріктілердің ересек буыны бар. Біз бұл ақпаратты жинақтап, құқық қорғау органдарына береміз», - деп түсіндірді Н. Жакупов.
Оның пікірінше, есірткіге тәуелді адамдарға өмірін өзгертуге көмектесу керек.
«Біз күш-жігеріміздің арқасында қоғамымыздағы есірткіге тәуелділік деңгейін төмендете аламыз, адамдарға есірткіні қолдануды тоқтатуға көмектесеміз және көмекке мұқтаж адамдарға қолдау көрсете аламыз деп сенеміз», - деп бөлісті Нуржан Жакупов.
Қорытындылай келе, алдын алу сипатындағы дәрістер, іс-шаралар, бұқаралық ақпарат құралдарында, қоғамдық көліктерде, қала көшелеріндегі Led-экрандарда бұл жұмыс жалғасатынын айтты.
