Бұл оқытудың мақсаты халықтың құқықтық сауаттылығын арттыру және оларды тұтынушылардың заңды құқықтарына үйрету болып табылады. Бұл туралы Алматының өңірлік коммуникациялар қызметінің брифингінде жоба жетекшісі, "Жанашыр" халықаралық қоғамдық қорының президенті Жаңыл Әпетова мәлімдеді.
Алматы қаласы Қоғамдық даму басқармасының Мемлекеттік әлеуметтік тапсырысы негізінде және Алматы қаласы бойынша сауда және тұтынушылардың құқықтарын қорғау Департаментінің басшылығымен "Жаңашыр" халықаралық қоғамдық қоры "Тұтынушылардың құқықтарын қорғау саласында азаматтарды оқыту және үйрету" жобасын іске асыруда.
"Ағымдағы жылдың соңына дейін жалғасатын бұл жоба аясында жоғары оқу орындарының студенттері арасында, қаланың сауда нүктелері мен мекемелеріндегі тұтынушылар арасында оқыту жұмыстары жүргізілуде. Instagram, Facebook, Telegram әлеуметтік желілерінде "Тұтынушы-Потребитель" ақпараттық аккаунттары белсенді жұмыс істейді", – деді Жаңыл Әпетова.
Азаматтардың сұрақтары мен шағымдары үшін WhatsApp нөмірі бар: +7 700 862 8454 .
Алматы қаласының сауда орындарында тұтынушылардың құқықтарын қорғау саласындағы жаңа заңнама бойынша кеңес беретін мобильді заң қызметі жұмыс істейді.
"Сапалы өнім" жобасының негізгі мақсаты ішкі нарықта азық-түлік өнімдерінің қауіпсіздігін қамтамасыз ету болып табылады, ал жаңа заңнама қоғамның өмір сүру сапасын жақсартуға және тұтынушылардың құқықтарын қорғау мәселелерінде үкіметтік емес институттардың рөлін нығайтуға бағытталған.
"Жоба басталғаннан бері Алматы қаласының 8 ауданының сауда орындарында 500-ге жуық адам кеңес алды, 50-ден астам адам өз сұрақтарымен жүгінді, 20-дан астам адам WhatsApp нөміріне жазды. Әлбетте, бізде әлі сауда мәдениеті қалыптаспаған және тұтынушылардың құқықтық сауаттылығы дамымаған. Сондықтан жоба аясында біз азаматтардың құқықтық сауаттылығын арттыруға барынша күш саламыз. Біз қала тұрғындарын өздері үшін жасалған жағдайды пайдалануға және белгіленген заңдарды сақтауға шақырамыз. Өз құқықтарыңызды білу және уақтылы қолдану алданып қалудан сақтайды. Тұтынушы ретінде сіздің құқықтарыңыз қорғалғанын атап өту маңызды", - деді Ж.Апетова.
Оның пікірінше, адами капитал мемлекеттің негізгі ресурсын білдіреді. Оны нығайту туралы айтқан кезде осы капиталға қажетті инвестицияларды ескеру қажет.
Қоршаған орта адам үшін маңызды рөл атқарады, сондықтан қоғамның әрбір мүшесі құқықтық сауаттылыққа ие болуы және тұтыну құқығын қорғауға жауапты болуы керек. Бұл өмір сүруге және жұмыс істеуге қолайлы жағдай жасайды.
"Аудан басшыларынан бастап сауда нүктелері мен жоғары оқу орындарына дейінгі әртүрлі деңгейдегі басшылар тұтынушылардың құқықтарын қорғауға мүдделі үкіметтік емес ұйымдардың жұмысын белсенді қолдауға тиіс. Тек осы жағдайда ғана нәтижелер мүмкіндігінше өнімді болады. Ежелгі дәуірде де, өркениет дами қоймаған кезде, сауда қатынастарында тұтынушылардың құқықтарын қорғауға баса назар аударылған", – деп санайды ол.
Тарихи деректер тұтынушылардың құқықтары қоғамда әрқашан маңызды рөл атқарғанын көрсетеді. Тұтынушыларды құқықтық қорғау ежелден қалыптасқан және өркениет дамуының ажырамас бөлігі болып табылады.
Бүгінгі таңда халықаралық Тұтынушылар одағы әлемнің көптеген елдеріндегі тұтынушылардың құқықтарын қорғау ұйымдарын біріктіреді. Тұтынушылардың хабардарлығына, қауіпсіздігіне, таңдауына мән беріледі.
ӨКҚ спикері біздің еліміз де азаматтық қоғам мен құқықтық мемлекет қалыптастыру бойынша жұмыс істеп жатқанын атап өтті. Азаматтардың құқықтық мәдениетінің деңгейі неғұрлым жоғары болса, құқықтық нормалар соғұрлым жақсы сақталады. Және оларды жүзеге асыру тиімдірек болады.
"Дамыған мемлекеттің азаматы "заңдарды қатаң сақтау керек, өйткені бұл менің өмірім үшін және қоғамның дамуы үшін маңызды"деген қағиданы түсінеді. Жалпы, өз құқығы туралы хабардар тұтынушы болыңыз! Тұтынушылардың құқықтары біздің елде кең таралуы үшін осы құқықтарды зерттеу, оларды қолдана білу, өзіңізді қорғау және қажет болған жағдайда достарыңыз бен жақындарыңызға көмектесу қажет. Тұтынушы өз құқықтарын неғұрлым жақсы түсінсе, оның өз мүдделерін заңды қорғауға мүмкіндігі соғұрлым жоғары болады. Тұтынушылардың құқықтары маңызды және оларды сақтау қоғамдағы әділеттілік пен жауапкершілікті дамытуға ықпал ететінін есте ұстаған жөн", – деп қорытындылады Жаңыл Әпетова.
Ақпарат көзі: Алматы қаласының ӨКҚ
