Алатау ауданы абаттандыру мен көгалдандыру жұмысына көп көңіл бөліп, оны жан-жақты қолға алып жатыр. Өңірлік коммуникациялар қызметіндегі брифингте аудан әкімі Данияр Қырықбаев осылай деді.
Ауданда қазір 145 жасыл аймақ бар, оның ішінде:
- 25 алаңқай мен жаяу жүргіншілер аймағы,
- 119 балалар мен спорт алаңы,
- 1 бульвар бар.
Бұл нысандарға 11 мердігер ұйым мен 260 адам қызмет көрсетеді.
Жасыл желекті күтіп ұстау үшін 17 мың ағаш кесіліп, 38 мың шаршы метр аумақ көгалдандырылды. Екі әдіспен суарады оларды:
- Қолмен (механикалық) – 85 учаскеде (96,3 га);
- автоматты – 18 учаскеде (25 га).
Биыл қосымша 28,2 шақырым автоматты суару жүйесі салынады.
«Қоғамдық кеңістікті дамытуға ерекше көңіл бөлінген. Саялы шағын ауданында Үлкен Алматы каналының бойындағы «Ұлы дала» алаңқайын абаттандыруды жоспарлап отырмыз», – дейді аудан әкімі.
Алаңқайдың аумағы 1,2 гектар болады. Жоба аясында:
- сәулеттік және жарық элементтерін орнату,
- арт-нысандар,
- жарықтандыру,
- көгалдандыру мен автоматты суару жүйесін енгізу қарастырылған.
«Халық қатысатын бюджет» бағдарламасы жүзеге асып жатыр. Биыл 43 жоба іріктеліп, оларды іске асыруға 2,5 млрд теңге бөлінді.
Жобалар Шаңырақ, Нұркент, Ақкент, Ақбұлақ, Алғабас, Саялы, Көкқайнар, Томирис, Айгерім мен Боралдай шағын ауданында жүзеге асады.
Қазір жобаның мердігерлерін анықтау үшін байқау өтіп жатыр.
Алматы қаласының Өңірлік коммуникациялар қызметі
