Тілендиев көшесінде жаңа қоғамдық кеңістік құрылады
Тілендиев көшесі, 2Г мекенжайында осы заманғы урбанистиканың қағидасын ескере отырып, тұрғындардың бастамасымен жасалған «жаңа буын аулалары» жобасы іске асырыла бастады. Алмалы ауданының әкімі Арман Шамшиннің айтуынша, бұл аула абаттандырылған аумақ қана емес, барлық жастағы адамдарға ыңғайлы, қауіпсіз болып, толыққанды қоғамдық кеңістікке айналмақ. Арман Шамшин Алматы қаласының Өңірлік коммуникациялар қызметі ұйымдастырған баспасөз туры барысында Тілендиев көшесіндегі ауладағы жұмыс барысын таныстырды.