Алматы қаласының тыныс-тіршілігін қалпына келтіру жөніндегі қалалық штаб отырысында сөйлеген сөзінде мегаполис әкімі КВИ-ға қарсы вакцинация және ревакцинация жұмыстарын күшейтуді тапсырды.
Алматы қаласы Қоғамдық денсаулық басқармасының басшысы Нариман Табынбаевтың айтуынша, 24 қаңтардағы жағдай бойынша қалада коронавирустық инфекцияның 205 667 жағдайы тіркелген, оның ішінде 180 006-сы симптомды және 25 661-і симптомсыз, 2 910-ы анықталмаған пневмония.
Инфекциялық стационарларда (3310 төсек-орын) 1514 адам (оның ішінде вакциналанғандар 387, 189 бала), оның ішінде 42-сі өте ауыр, 274-і ауыр, 1098-і орташа дәрежеде ауыр, 199-ы жеңіл, 1-і симптомсыз.
Алматы қаласында халықты коронавирустық инфекциядан жаппай вакцинациялау жалғасуда.
Н. Табынбаевтың айтуынша, вакцинациялау үшін медициналық ұйымдарда, мектептерде, мәдениет, спорт объектілерінде, базарларда және қаланың СОСО-да 250 егу пунктін іске қосу жоспарлануда. Бүгінгі күні оның 119 пункті жұмыс істейді, толық режимде 520 адамнан тұратын 140 егу бригадасы жұмыс істейді.
Күн сайын халық арасында жетекші БАҚ, интернет-порталдар, «Алматы» телеарнасы, әлеуметтік желілер арқылы ақпараттық-түсіндіру жұмыстары жүргізуде.
Бүгінгі күні барлығы 1 099 187 адам вакцинацияланды, оның ішінде 24 695 құқық қорғау органдарының қызметкерлері (полиция, ТЖМ, Қорғаныс министрлігі, ҰҚК, ІІМ, ҚР Мемлекеттік күзет қызметінің қызметкерлері), 35 546 (100%) педагог, 38 983 (100%) медицина қызметкерлері.
Pfizer вакцинасын 37 757 адам алды, оның ішінде 2030 жүкті әйел, 8173 бала емізетін әйел, 27 554 бала.
Бұдан басқа, қалада КВИ ревакцинациясы жүргізілуде. Бүгінгі таңда 116 853 адам қайта вакцинацияланды (Pfizer – 8 674), оның ішінде 18 306 медицина қызметкері және 60 жастан асқан 6325 адам.
Алматы әкімі Бақытжан Сағынтаев қалада «омикрон» нұсқасының тез таралуын ескере отырып, вакцинация және ревакцинация бойынша жұмысты күшейтуді тапсырды. Алматылықтарға арнаған сөзінде әкім вакцинацияны кешіктірмеуге, ал одан өткен адамдарға бустерлік егуді қоюға кеңес берді.
