Алматы Өңірлік коммуникациялар қызметінің брифингінде мегаполис мектептерінің жаңа оқу жылына дайындығына арналған брифинг өтті. Толығырақ Алматы қаласы Білім басқармасы басшысының орынбасары Айдын Сайлаубай айтып берді.
Орта білім беру секторында 301 мектеп бар, оның 210-ы мемлекеттік, 91-і жекеменшік. Күтілетін студенттер саны 290 мыңнан асады.
Сөз басында Айдын Сайлаубай «Мектепке жол» акциясының алғашқы нәтижелеріне тоқталды. Биылғы жылы әр оқушыға мектеп формасы мен кеңсе тауарларын алуға 43 000 теңге бөлінді, оның 35 000 теңгесі мектеп формасына, 8 000 теңгесі мектепке қажетті құрал-жабдықтарға. Көмекпен 19 701 бала қамтылды, бұл мақсатқа жергілікті бюджеттен 847 миллион теңге бөлінді Төлемдер ата-аналардың есеп карталарына 100% қаражат аудару арқылы жүзеге асырылды.
«Акция аясында демеушілер ХӘОТ санатындағы балаларға 5,6 мыңнан астам мектеп формасы мен мектеп керек-жарақтары бар рюкзактар сыйға тартты», - деді А. Сайлаубай.
Тақырыпты жалғастыра отырып, Білім басқармасы басшысының орынбасары жергілікті бюджеттен оқулықтар мен көркем әдебиетті сатып алуға 3 млрд 263 млн 457 мың теңге бөлінгенін хабарлады. Биыл 2 сынып оқушылары жаңа оқулықтар алады. 1-11 сынып оқушылары 25 тамызға дейін 100% тегін оқулықтармен қамтамасыз етіледі.
«Жаңа оқу жылында 300 млн теңге сомасына көркем әдебиет кітаптары және 37,11 млн теңгеге интеллектісі бұзылған арнайы мектептерге арналған оқулықтар, соқыр балаларға арналған рельефті-нүктелі Брайль қарпіндегі оқулықтар және нашар көретін балаларға арналған ірілендірілген қаріп оқулықтары сатып алынады», - деп толықтырды ӨКҚ спикері.
Айдын Сайлаубай ағымдағы жылдың 1 қыркүйегінен бастап мемлекеттік мектептердің 1-4 сынып оқушылары тегін тамақпен қамтамасыз етілетінін айтты. Бұл мақсатқа жергілікті бюджеттен жыл соңына дейін 5,3 млрд теңге бөлінді.
Сөз соңында спикер Алматы қаласында көк түсті мектеп формасы белгіленгенін еске салды.
