Бүгін Әуезов ауданы әкімі аппаратының қолдауымен Алматы қаласы «Шыңға өрлеу» әлеуметтік клубының №2 Әуезов бөлімшесінде мобилография бойынша тренинг өтті. Бұл тренинг сапалы сурет және бейне түсірілімнің қыр-сырын меңгеруге бағытталған нақты жолсерікке айналды.
Шараға қатысушылар визуалды контентті креативті түрде жасау, жарық пен көлеңкені, түсіру ракурстарын және түсіру режимдерін дұрыс қолдану әдістерін меңгерді.
Тренингті Алматы қаласы Әуезов ауданы Жастар ресурстық орталығының маманы Үсен Аяжан өткізді. Теориялық білімдер бірден тәжірибемен бекітіліп, қатысушылар сурет пен бейнетүсірілім жасауда түрлі композициялар мен түсіру бұрыштарын сынап көрді.
Сонымен қатар, тренингте әлеуметтік желілерге мазмұнды және имидждік жазбалар дайындау, оқырмандармен кері байланыс орнату және жарияланымдардың тиімділігін талдау сияқты маңызды тақырыптар қамтылды.
Жастар ресурстық орталығының жетекшісі және «UAQYT» қоғамдық қорының директоры Маханбет Бауыржан Сабитұлы мұндай шаралардың маңыздылығын атап өтіп, цифрлық сауаттылық пен сапалы контент жасауды үйрену бүгінгі күннің басты құзыреттерінің бірі екенін ерекше айтты.
Нәтиже қандай? Қатысушылар тек жаңа дағдыларды меңгеріп қана қоймай, әлеуметтік желілердегі жұмыстарының жарқын, кәсіби әрі барынша тиімді болатынына сенімділік алды! Іс-шараның соңында қатысушылар жаңа дағдыларын растайтын сертификаттарға ие болды.
