6 және 7 қараша күндері Республика сарайының сахнасынан көрермендер еліміздің үздік спортшылары, бишілері мен әртістері қатысқан "Суперқаһармандар" бірегей спорттық-би экшн-шоуын тамашалай алады.
Marvel-дің "Кек алушылар" фантастикалық сагасының желісі негізінде жасалған бірегей декорациялар, спортшылардың шеберлігі, күрделі трюктер, әуеде орындалатын нөмірлер, ерекше, қайталанбас костюмдер, арнайы эффектілер, жарық және проекциялық шоу - осының барлығы көрерменді толығымен баурап алады және еш жалықпастан финалға дейін қызықтауға мүмкіндік береді.
Супер қаһармандар көрерменді сүйікті фильмдері мен комикстердегі кейіпкерлерінің сиқырға толы әлеміне жетелейді. Супер қаһармандар тобы, Темір адам, Капитан Америка және басқа да кейіпкерлер тағы да зұлымдыққа қарсы күресіп, әрине жеңіске жетеді. Бұл үлкен шоуға қатысқандар шайқастардың ең бір шиеленіскен сәттерін сезінуге тамаша мүмкіндік алады.
"Супер қаһармандар" шоуын Olympic ice компаниясы дайындады, ол алдында Балуан Шолақ атындағы сарай сахнасында "Мұзды жүрек" деп аталатын алғашқы қазақстандық мұз шоуын жоғары деңгейде өткізген болатын.
Дина Қыстаубаева, шоу продюсері:
"Біз 2016 жылдан бері мұз жобаларын жасап келеміз. Біздің шоу қойылымдарымызды 100 мыңнан астам көрермен тамашалады және бізге көптеген жақсы пікірлер айтылды. Шоудан кейін біздің көрермендер мәнерлеп сырғанау секцияларына жазылып жатты. Биыл біз бірнеше спорт түрлерін: спорттық акробатика, әуе және спорттық гимнастиканы біріктіретін бірегей жоба құруды ұйғардық. Сондай-ақ, оған каскадерлар, бишілер мен цирк әртістері қатысады. "Кек алушылар" фильмінің желісі бойынша дайындалған қызықты қойылым, онда тамаша жарық шоуын, арнайы эффектілері бар киімдерді көресіздер. Біз көрермендерге қазақстандық жобалардың назар аударуға лайық екенін, әртістеріміздің күрделі трюктерді орындай алатындығын көрсеткіміз келеді. Дарынды мамандар халықаралық деңгейде жұмыс істейді, олар - жарық бойынша суретші, қоюшы режиссер және қоюшы хореографтар".
Шоуда Cirque du Soleil (Цирк дю Солей) циркінің форматы қолданылады.
Шоудың форматы кез-келген жастағы адамдар үшін қызықты болмақ.
Азат Жабелов, қоюшы режиссер:
"Жаңа қойылымдарды асыға күтетін көрерменіміздің бар екендігі қуантады. Қазақстандық жобалар әлемдік деңгейде жасалған, біз бұны көпшілікке "Мұзды жүрек" мұз шоуын ұсыну арқылы дәлелдедік. Осы күзде біз елде бұрын-соңды болмаған жаңа үлкен экшн-шоуды ұсынуға қуаныштымыз. Бұл жобада біз әртістеріміздің спорттық шеберлігін, олардың орындауындағы күрделі спорттық элементтерді көрсетуге, яғни спорттық құрамдасына баса назар аударуға тырыстық. Бұл шоуға әртүрлі спортшылар қатыстырылған, бірақ олардың барлығының шеберлігі жоғары деңгейде. Олардың арасында қазақстандық каскадерлер, спорт және әуе гимнастары, цирк әртістері, кәсіби бишілер бар. Ал хореография, трюктер мен экшн сахналар үшін біз Yin Yang Inc.студиясын шақырдық. Мұндайды бірінші рет көресіз деп нақты айта аламын!».
