Қазақстан Республикасы Үкіметінің 2020 жылғы 5-тамызындағы Үкімет қаулысы негізінде 10 тамыз «Абай күні» болып бекітілген болатын. Қазақстан Республикасы Мемлекеттік орталық музейі 2024 жылдың 9 тамыз күні сағат 11.00-де ұлы ақын, ағартушы, қазақтың жазба әдебиетінің негізін қалаушы «Абай күніне» арналған «Жазамын мен бәйітті.....» әдеби-сазды іс-шарасын өткізеді.
Іс-шара мақсаты: Абай шығармалары арқылы әр тұлғаның бойына адами құндылықтарды сіңіру.
Шараға мәдениет қайраткерлері, абайтанушылар, ақындар - Ұлықбек Есдаулет, Бауыржан Жақып, Мағазбеков Нұр Жандосұлы, Талап Қараш т.б қатысады.
Бағдарламада: Абай атындағы Қазақ Ұлттық опера және балет театрының солисттері, Республикалық Достық үйіне қарасты этно-мәдени орталықтардың өкілдері, Алматы қаласы «Шыңға өрлеу» әлеуметтік клубы «Жас қанат» бөлімінің және облыстық арнаулы әлеуметтік қызметтерді қажет ететін балаларды қолдау орталығының тәрбиенушілері өнерлерін көрсетеді. Музейлік педагогика бөлімі музей қорында сақталған Абай Құнанбаевтың жеке заттарына экскурсиялық шолу және «Абай ақын - Абай сазгер» викторинасын өткізеді.
Кураторы: Айман Уразалина
