Алматыда «Атакент» орталығында «HomeTech & Electra 2024» электроника және тұрмыстық техниканың халықаралық көрмесі өтіп жатыр. 30 шілдеде жұмысын бастаған үш күндік көрме тамыздың 1-де кешкі сағат 16.00-ге дейін жалғасады. Алғашқы күні 2,5 мыңнан астам адам қатысты.
Көрмеге Орталық Азиядан, Қытайдан, Оңтүстік Кореядан, Түркиядан 100-ден астам зауыт өкілдері, Қазақстан мен Орталық Азиядан кәсіпкерлер мен сауда желілерінің өкілдері қатысуда. Мәселен, мұнда Қытайдың Гуандун провинциясы (ҚХР), Шыңжаң-Ұйғыр автономиялық ауданындағы 30-дан астам зауыт шығарған электр жабдықтары қойылған.
Көрме барысында «Орталық Азиядағы электроника нарығының даму перспективалары» тақырыбында форум өтті, B2B сессиялары, жәрмеңке, семинарлар, жетекші өндірушілердің баяндамалары мен презентациялары.
Форумға қатысушыларға арналған семинарларды Қазақстанның кеден брокерлері қауымдастығы кеңесінің төрағасы, сондай-ақ Ланчжоу фаст-фуд желісінің негізін қалаушы және Орталық Азия франчайзинг қауымдастығының төрағасы Гүлбану Майгарина, Кәсіпкерлердің Systema бизнес академиясының негізін қалаушы Людмила Пучкова және басқа да сарапшылар өткізді.
Форумда Алматы қаласы Кәсіпкерлік және инвестиция басқармасының басшысы Әлішер Сатыбалдиев, Қазақстан Республикасы Мәжілісінің депутаты Олжас Құспеков, ҚР ИЖТМ Сауда комитеті төрағасының орынбасары Айгүл Епбаева, ҚР Кәсіпкерлік және инвестициялар департаментінің директоры Айгүл Елбаева, «Атамекен» ҰКП сауда және даму департаментінің директоры Әсет Айтбаев, Кемпинг жөніндегі Қытай халықаралық конференциясының атқарушы төрағасы Ли Шу Вэн, QazTrade өкілі Әбдірашид Үсенов және т.б. сөз сөйледі.
«Алматы – тауарлар мен қызметтердің ең ірі нарығы. Мұнда 350 мыңнан астам ШОБ жұмыс істейді. Тұрмыстық техника өнеркәсібі – қала экономикасының басым бағыттарының бірі. Біз инвесторларға қажетті қолдау көрсетеміз және толыққанды ынтымақтастыққа дайынбыз. Алматы қаласының Индустриалды аймағында, «Алатау» АЭА-да мемлекеттік қолдау шаралары қарастырылған. Инвесторларды қолдаудың бірыңғай терезесін Алматы бизнесті дамыту компаниясы да ұсынады", - бұл туралы форумда Алматы қаласы Кәсіпкерлік және инвестициялар басқармасының басшысы Әлішер Сатыбалдиев мәлімдеді.
«Біз отандық және халықаралық бизнес өкілдеріне жан-жақты қолдау көрсетеміз. Ол мемлекеттік бағдарламалар бойынша консультациялардан тұрады. Және бұл механизм өте кең. «Атамекен» өз басшылығымен барлық бизнес-қауымдастықтарды біріктіреді. Қазақстанның әр аймағында Ұлттық палатаның филиалдары бар болғандықтан, біз бизнеске бүкіл ел бойынша мемлекеттік органдармен ынтымақтасуға көмектесеміз», - деді Форумда «Атамекен» ҰКП сауда және даму департаментінің директоры Әсет Айтбаев.
«Біз көрменің қатысушылар арасында жаңа бірлескен кәсіпорындар мен стратегиялық серіктестіктерді құруға қолайлы жағдай туғызатынына сенімдіміз, сонымен бірге көрме Қазақстанға инвестиция мен инновацияны дамытудың перспективалы нарығы ретінде назар аударады», - деп атап өтті World Silk Way компаниясының бас директоры Әсия Бөрлібаева.
Көрменің ұйымдастырушысы – World Silk Way компаниясы.
Мекен-жайы: Атакент көрме орталығы, көш. Тимирязева 42, павильон 10
- 31 шілде сағат 10:00-ден 18:00-ге дейін.
- 1 тамыз - 10:00 - 16:00 сағ.
