Өткен жылы мегаполисте Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасы жұмыс істеді, ал осы жылдан бастап кәсіпкерлікті дамытудың 2021-2025 жылдарға арналған ұлттық жобасы жүзеге асырылуда. Бұл бағдарламалар туралы Өңірлік коммуникациялар қызметінің брифингінде Алматы қаласы Жұмыспен қамту орталығының директоры Диляра Иманқұлова егжей-тегжейлі айтып берді.
Спикердің айтуынша, Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасы үш бағыт бойынша өтті:
- Бағдарламаға қатысушыларды техникалық және кәсіптік біліммен және қысқа мерзімді кәсіптік оқумен қамтамасыз ету. Бұл бағдарламаны 1031 адам пайдаланды;
- жаппай кәсіпкерлікті дамыту. 115 адам шағын несие алды. Сондай-ақ 200 АЕК (583 400 теңге) көлемінде 1298 грант берілді;
- халықты жұмыспен қамтуға жәрдемдесу арқылы еңбек нарығын дамыту. Осы бағыт бойынша 39 245 адам жұмысқа орналастырылды. Оның ішінде 10 984 адам уақытша жұмысқа тартылса, 28 351 адам тұрақты жұмысқа орналасты.
«Бүгінде Жұмыспен қамту орталығына 17 261 адам жүгінді, оның ішінде 13 460 адам жұмыссыз ретінде тіркелді. Жыл басынан бері 17 209 адам жұмыссыз ретінде есепте тұр», - деп атап өтті Диляра Иманқұлова.
Биылдан бастап кәсіпкерлікті дамытудың 2021-2025 жылдарға арналған ұлттық жобасын бірнеше бағыт бойынша іске асыру басталды.
Біріншіден, бұл жұмыссыздарды кәсіптік оқыту. Осы бағыт аясында 1002 адамды 25 мамандық бойынша оқыту жоспарланған, оның ішінде жұмыс берушілердің сұранысы бойынша. Оқыту 1 мамырдан басталды.
Екінші бағдарлама жаңа бизнес-идеяларға гранттар ұсыну арқылы жаппай кәсіпкерлікті дамытуға қатысты. 950 грант беру жоспарлануда. Грант көлемі 400 АЕК-ке дейін немесе 1 225 200 теңгені құрайды). Бекітілген қағидаларға сәйкес үміткер business enbek порталына өз бетінше өтінім береді және деректерді тексергеннен және растағаннан кейін оны комиссияға шақырады.
Үшінші бағыт халықты жұмыспен қамтуға жәрдемдесу арқылы еңбек нарығын дамытуға арналған.
«Әлеуметтік жұмыс орындары 12 айдан аспайтын мерзімге уақытша жұмыс орындарын құруды көздейді, онда жалақының бір бөлігін жұмыспен қамту орталығы өтейді (жалақының белгіленген мөлшерінің 35%-ы, бірақ 20 АЕК-тен аспайды, 2022 жылы өтемақы 61 260 теңгеден аспайды). 2022 жылы 980 адамды қамту жоспарланған, іс жүзінде 719 адам жіберілді», - деп атап өтті Жұмыспен қамту орталығының директоры.
Д. Иманқұлова қоғамдық жұмыстар 12 айдан аспайтын мерзімге уақытша жұмыс орындарын құруды көздейтінін атап өтті, онда жалақыны жұмыспен қамту орталығы төлейді (20 АЕК-тен аспайды, алайда Алматы қаласында 30 АЕК немесе 91 980 теңге мөлшерінде сома белгіленген). 2022 жылы 5 881 адамды қамту жоспарланған, іс жүзінде 7 109 адам жіберілді.
