Бүгін Өңірлік коммуникациялар қызметінің брифингінде Медеу ауданы әкімінің орынбасары Данияр Былқылов сөз сөйледі.
Спикердің айтуынша, Медеу ауданы Алматы қаласының іскерлік, мәдени және туристік орталығы болып табылады.
«Медеу ауданы қаламыздың іскерлік, мәдени және туристік орталығы болып саналады. Аудан мегаполистегі тауар айналымын қамтамасыз етеді - 24,5%. 7 айдың қорытындысы бойынша бөлшек тауар айналымының көлемі 598,06 млрд теңгені, көтерме сауда айналымының көлемі – 1 955,8 млрд теңгені құрады», - деп Данияр Былқылов статистикалық мәліметтерді келтірді.
Бүгінде аудан қала аумағының 37% алып жатыр (683 шаршы метрден 253 шаршы метрге дейін), мұнда 225 мыңнан астам адам тұрады. Ауданда орташа жалақы орташа қалалық жалақыдан 25%-ға жоғары (409,5 мың теңге, қала бойынша орташа-327,5 мың теңге).
Рахат, Полиграфкомбинат, Новус Полимер, «Дәуір» РПИК және т.б. сияқты кәсіпорындар ауданның негізгі өнеркәсіптік әлеуетін құрайды, ағымдағы жылдың қаңтар-маусым қорытындылары бойынша өндірілген өнеркәсіп өнімінің көлемі 60,5 млрд теңгені, НКИ (нақты көлем индексі) – 89,1%-ды құрады.
Ауданда жұмыс істеп тұрған шағын және орта бизнес субъектілерінің саны 30 мыңнан асады (Алматы қаласының аудандары бөлінісінде 4-ші орын).
