Өңірлік коммуникациялар қызметінің алаңында Қазақстан Республикасы Мемлекеттік қызмет істері агенттігінің Алматы қаласы бойынша департаментінің басшысы Ильдар Үйсімбаевтың қатысуымен брифинг өтті.
Баяндамашы өз сөзінде Мемлекет басшысы Жаңа Қазақстанда мемлекеттік қызметтің қызмет көрсету сипатында болуы және артық бюрократиясыз жұмыс істеуі керектігін бірнеше рет атап өткеніне тоқталды. Бұл тапсырма Алматыдағы мемлекеттік мекеменің миссиясының негізіне айналды.
«Мемлекеттік қызмет істері агенттігіне мемлекеттік қызметке кіру және одан шығу рәсімдерін жеңілдету бойынша жаңа міндеттер жүктелді. Қазіргі таңда осы мәселелер аясында заңнамаға бірқатар өзгерістер енгізілді. Сонымен, мемлекеттік қызметке қабылдау және қызметтен босату кезіндегі әкімшілік кедергілерді жою мақсатында заңнамаға жоғары оқу орындарының үздік түлектерін аудан және ауылдағы төменгі лауазымдарға конкурстық іріктеусіз тағайындау, жоғары лауазымдарға тікелей тағайындау, уәкілетті органның келісімімен «Б» корпусы мемлекеттік қызметкерлерге тоқсан сайын баға беруге көшу мәселелері бойынша өзгерістер енгізілді», - деп атап өтті И.Үйсімбаев.
Кадрлық стратегияның тағы бір маңызды құралы кадрлық құжаттаманы цифрландыру, «Е-қызмет» жүйесін жаңғырту арқылы мемлекеттік қызметті цифрландыру болды.
Сонымен қатар, мемлекеттік қызметшілердің функционалдық міндеттерін олардың тиімділігі мен мақсаттылығы тұрғысынан зерделеу жұмыстары жүргізілді. Нәтижелері бойынша уәкілетті органдарға тиісті ұсынымдар жіберілді, олар аталған салалардағы жалпы тәсілдерді жаңғыртуға мүмкіндік береді.
Айта кету керек, Алматыда мемлекеттік қызметте 4 мыңға жуық адам жұмыс істейді. Қалада бұрынғыдай қызметкерлердің орташа жас шегі - 35 жас, сондай-ақ гендерлік теңдік қағидасы сақталады. 2022 жылы мемлекеттік қызметтен кеткен қызметкерлердің пайызы төмендеді, меритократия институтының айтарлықтай жақсарды – төменгі позицияларда қызмет ететіндердің 46 пайызы мансап сатысында жоғары көтерілді.
Барлық мемлекеттік қызметшілер Мемлекеттік басқару академиясында оқудан және қайта даярлаудан өтіп, кәсіби біліктілігін арттыруға мүмкіндіктері бар.
