Жамбыл атындағы филармонияда Ұлы Жеңістің 80 жылдығына арналған «Жеңіс күні» концерті өтеді
2025 жылдың мамыр айының 2-ші жұлдызында сағат 19:00-де Жамбыл атындағы филармонияның үлкен залында Ұлы Жеңістің 80 жылдығына орай, Бақытжан Байқадамов атындағы Мемлекеттік хор капелласының «Жеңіс күні» атты концерті өтеді. Кешке келген Алматылық тыңдарман назарына Отан қорғаушыларға арналған әндер мен халық арасында аңызға айналған жауынгерлік марштар мен балладалар, қазақ халқының патриоттық рухын жеткізетін шығармалар ұсынылады.